Komisioni i Pavarur për Media (KPM) ka licencuar 10 kompani të cilat ofrojnë shërbim kabllovik televiziv. Tetë nga këto kompani u ofrojnë përdoruesve kosovarë sinjalin e TV ALSAT dhe TV ALSAT-M duke e bërë këtë televizion të depërtojë përveç qyteteve kryesore të Kosovës Prishtinë, Mitrovicë, Pejë, Gjilan, Prizren, Gjakovë e Ferizaj edhe në komunat më të vogla si Podujevë, Kamenicë, Suharekë, Rahovec, Fushë Kosovë, Klinë, Deçan, Kaçanik, Vushtrri dhe Lipjan. Gjithashtu KPM, javën e kaluar I ka dhënë TV ALSAT Kosova licencë 10 vjeçare operimi përmes sinjalit kabllovik.